अक्षुण्णता महिला विकास कार्यक्रमको सुन्दरता नै हो । कास्कीको कास्कीकोट गाउँपालिकाका दिदीबहिनीहरू आफैले संयुक्त राष्ट्रसङ्घीय बालकोष र नर्बेली विकास निकायको सहायतामा लागू भएर २०६... सालमा सकिएको बालबालिका तथा महिलाका लागि विकेन्द्रित कार्य आयोजनाअन्तर्गत प्रारम्भ गरिएका १७ वटा बालतौल केन्द्रहरू अद्यापि चलाइरहेका छन् । त्यस्तै उदाहरण त कताकति भेटिएलान् । तैपनि साँच्चिकै मुस्किल नपर्दासम्म राम्रा अभ्यासहरू थालेपछि कैयन् दिनसम्म रहिरहन्छन् । सशक्तीकरण र निरन्तरता सँगसँगै हुनेजस्तो पनि लाग्दछ । सशक्तीकरणकै क्रममा महिलाहरूले सहकारी संस्थाको र"पमा सङ्ठित हुन, साझा व्यावसायिक सेवाहरू चलाउन र आफूलाई आवश्यक निःशुल्क सेवाहरूका लागि अर्थोपार्जन गर्न जान्दछन् । आज महिलाहरू जस्तै उनका क्रियाकलापहरू पनि सङ्गठित भएका छन् । बन्दै गरेका संस्थाहरूको विवरण देहायमा दिइएको छ :

क्षेत्र	लक्ष्य	प्रगति	प्रगति प्रतिशत
छिमेकी समूह	७५५‚८१३	१८३,५९६	२४.२९
वडास्तरीय समिति	३०,७९५	२२,८५८	७४.२२
गाउँपालिकास्तरीय संस्था
दर्ता भएका	३,१५७	१,८२८	५७.९०
दर्ता नभएका	१९४	१९४	१००

यसरी गाउँपालिकाको तहका महिला संस्थाहरू नै कार्यक्रमका ध्वजावाहक हुन् । प्रत्येक गाउँपालिकामा एउटा महिला संस्थाको सोचना छ, जो—

• सदस्यको अर्थोपार्जनमा सहयोगी;
• व्यावसायिक मानकहरूको प्रवर्तक;
• स्वावलम्बनको पर्यायवाची;
• सामाजिक परिवर्तनको शक्ति;
• महिला सुरक्षाको पहरेदार;
• सहकारी सिद्धान्तको परिपालक र
• सहभागिताको सुगम मञ्च हुनेछ ।